কৃষ্ণ যজুর্বেদীয তৈত্তিরীয সংহিতাযা-ম্প্রথমকাণ্ডে প্রথমঃ প্রশ্নঃ - দর্শপূর্ণমাসৌ
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥
ই॒ষে ত্বো॒র্জে ত্বা॑ বা॒যব॑-স্স্থোপা॒যব॑-স্স্থ দে॒বো ব॑-স্সবি॒তা প্রার্প॑যতু॒ শ্রেষ্ঠ॑তমায॒ কর্ম॑ণ॒ আ প্যা॑যদ্ধ্বমঘ্নিযা দেবভা॒গ-মূর্জ॑স্বতীঃ॒ পয॑স্বতীঃ প্র॒জাব॑তী-রনমী॒বা অ॑য॒ক্ষ্মা মা ব॑-স্স্তে॒ন ঈ॑শত॒ মা-ঽঘশগ্ম্॑সো রু॒দ্রস্য॑ হে॒তিঃ পরি॑ বো বৃণক্তু ধ্রু॒বা অ॒স্মি-ন্গোপ॑তৌ স্যাত ব॒হ্বী-র্যজ॑মানস্য প॒শূ-ন্পা॑হি ॥ 1 ॥
(ই॒ষে - ত্রিচ॑ত্বারিগ্ম্শত্ ) (অ. 1)
য॒জ্ঞস্য॑ ঘো॒ষদ॑সি॒ প্রত্যু॑ষ্ট॒গ্ম্॒ রক্ষঃ॒ প্রত্যু॑ষ্টা॒ অরা॑তযঃ॒ প্রেয-ম॑গাদ্ধি॒ষণা॑ ব॒র্॒হিরচ্ছ॒ মনু॑না কৃ॒তা স্ব॒ধযা॒ বিত॑ষ্টা॒ ত আ ব॑হন্তি ক॒বযঃ॑ পু॒রস্তা᳚-দ্দে॒বেভ্যো॒ জুষ্ট॑মি॒হ ব॒র্॒হি-রা॒সদে॑ দে॒বানা᳚-ম্পরিষূ॒তম॑সি ব॒র্॒ষবৃ॑দ্ধমসি॒ দেব॑বর্হি॒র্মা ত্বা-ঽ॒ন্ব-ম্মা তি॒র্য-ক্পর্ব॑ তে রাদ্ধ্যাসমাচ্ছে॒ত্তা তে॒ মা রি॑ষ॒-ন্দেব॑বর্হি-শ্শ॒তব॑ল্শং॒-বিঁ রো॑হ স॒হস্র॑বল্শা॒ [স॒হস্র॑বল্শাঃ, বি ব॒যগ্ম্ রু॑হেম] 2
বি ব॒যগ্ম্ রু॑হেম পৃথি॒ব্যা-স্স॒ম্পৃচঃ॑ পাহি সুস॒ম্ভৃতা᳚ ত্বা॒ সম্ভ॑রা॒ম্যদি॑ত্যৈ॒ রাস্না॑-ঽসীন্দ্রা॒ণ্যৈ স॒ন্নহ॑ন-ম্পূ॒ষা তে᳚ গ্র॒ন্থি-ঙ্গ্র॑থ্নাতু॒ স তে॒ মা-ঽঽ স্থা॒দিন্দ্র॑স্য ত্বা বা॒হুভ্যা॒মুদ্য॑চ্ছে॒ বৃহ॒স্পতে᳚-র্মূ॒র্ধ্না হ॑রাম্যু॒র্ব॑ন্তরি॑ক্ষ॒মন্বি॑হি দেবঙ্গ॒মম॑সি ॥ 3 ॥
(স॒হস্র॑বল্শা - অ॒ষ্টাত্রিগ্ম্॑শচ্চ) (অ. 2)
শুন্ধ॑দ্ধ্ব॒-ন্দৈব্যা॑য॒ কর্ম॑ণে দেবয॒জ্যাযৈ॑ মাত॒রিশ্ব॑নো ঘ॒র্মো॑-ঽসি॒ দ্যৌর॑সি পৃথি॒ব্য॑সি বি॒শ্বধা॑যা অসি পর॒মেণ॒ ধাম্না॒ দৃগ্ম্হ॑স্ব॒ মা হ্বা॒-র্বসূ॑না-ম্প॒বিত্র॑মসি শ॒তধা॑রং॒-বঁসূ॑না-ম্প॒বিত্র॑মসি স॒হস্র॑ধারগ্ম্ হু॒ত-স্স্তো॒কোহু॒তো দ্র॒ফ্সো᳚ ঽগ্নযে॑ বৃহ॒তে নাকা॑য॒ স্বাহা॒ দ্যাবা॑পৃথি॒বীভ্যা॒গ্ম্॒ সা বি॒শ্বাযু॒-স্সা বি॒শ্বব্য॑চা॒-স্সা বি॒শ্বক॑র্মা॒ স-ম্পৃ॑চ্যদ্ধ্ব-মৃতাবরী-রূ॒র্মিণী॒র্মধু॑মত্তমা ম॒ন্দ্রা ধন॑স্য সা॒তযে॒ সোমে॑ন॒ ত্বা-ঽঽত॑ন॒চ্মীন্দ্রা॑য॒ দধি॒ বিষ্ণো॑ হ॒ব্যগ্ম্ র॑ক্ষস্ব ॥ 4 ॥
(সোমে॑ - না॒ষ্টৌ চ॑) (অ. 3)
কর্ম॑ণে বা-ন্দে॒বেভ্য॑-শ্শকেযং॒-বেঁষা॑য ত্বা॒ প্রত্যু॑ষ্ট॒গ্ম্॒ রক্ষঃ॒ প্রত্যু॑ষ্টা॒ অরা॑তযো॒ ধূর॑সি॒ ধূর্ব॒ ধূর্ব॑ন্ত॒-ন্ধূর্ব॒ তং-যোঁ᳚-ঽস্মা-ন্ধূর্ব॑তি॒ ত-ন্ধূ᳚র্ব॒যং-বঁ॒য-ন্ধূর্বা॑ম॒স্ত্ব-ন্দে॒বানা॑মসি॒ সস্নি॑তম॒-ম্পপ্রি॑তম॒-ঞ্জুষ্ট॑তমং॒-বঁহ্নি॑তম-ন্দেব॒হূত॑ম॒-মহ্রু॑তমসি হবি॒র্ধান॒-ন্দৃগ্ম্হ॑স্ব॒ মা হ্বা᳚-র্মি॒ত্রস্য॑ ত্বা॒ চক্ষু॑ষা॒ প্রেক্ষে॒ মা ভের্মা সং-বিঁ॑ক্থা॒ মা ত্বা॑ - [মা ত্বা᳚, হি॒গ্ম্॒সি॒ষ॒মু॒রু] 5
হিগ্ম্সিষমু॒রু বাতা॑য দে॒বস্য॑ ত্বা সবি॒তুঃ প্র॑স॒বে᳚-ঽশ্বিনো᳚-র্বা॒হুভ্যা᳚-ম্পূ॒ষ্ণো হস্তা᳚ভ্যা-ম॒গ্নযে॒ জুষ্ট॒-ন্নির্ব॑পাম্য॒গ্নীষোমা᳚ভ্যা-মি॒দ-ন্দে॒বানা॑মি॒দমু॑ ন-স্স॒হ স্ফা॒ত্যৈ ত্বা॒ নারা᳚ত্যৈ॒ সুব॑র॒ভি বি খ্যে॑ষং-বৈঁশ্বান॒র-ঞ্জ্যোতি॒-র্দৃগ্ম্হ॑ন্তা॒-ন্দুর্যা॒ দ্যাবা॑পৃথি॒ব্যো- রু॒র্ব॑ন্তরি॑ক্ষ॒ মন্বি॒-হ্যদি॑ত্যা স্ত্বো॒পস্থে॑ সাদযা॒ম্যগ্নে॑ হ॒ব্যগ্ম্ র॑ক্ষস্ব ॥ 6 ॥
( মা ত্বা॒ - ষট্চ॑ত্বারিগ্ম্শচ্চ ) (অ. 4)
দে॒বো ব॑-স্সবি॒তো-ত্পু॑না॒ত্বচ্ছি॑দ্রেণ প॒বিত্রে॑ণ॒ বসো॒-স্সূর্য॑স্য র॒শ্মিভি॒রাপো॑ দেবীরগ্রেপুবো অগ্রেগু॒বো-ঽগ্র॑ ই॒মং-যঁ॒জ্ঞ-ন্ন॑য॒তাগ্রে॑ য॒জ্ঞপ॑তি-ন্ধত্ত যু॒ষ্মানিন্দ্রো॑ ঽবৃণীত বৃত্র॒তূর্যে॑ যূ॒যমিন্দ্র॑-মবৃণীদ্ধ্বং-বৃঁত্র॒তূর্যে॒ প্রোক্ষি॑তা-স্স্থা॒গ্নযে॑ বো॒ জুষ্ট॒-ম্প্রোক্ষা᳚ম্য॒গ্নীষোমা᳚ভ্যা॒গ্ম্॒ শুন্ধ॑দ্ধ্ব॒-ন্দৈব্যা॑য॒ কর্ম॑ণে দেবয॒জ্যাযা॒ অব॑ধূত॒গ্ম্॒ রক্ষো-ঽব॑ধূতা॒ অরা॑ত॒যো-ঽদি॑ত্যা॒স্ত্বগ॑সি॒ প্রতি॑ ত্বা - [প্রতি॑ ত্বা, পৃ॒থি॒বী বে᳚ত্ত্বধি॒ষব॑ণমসি] 7
পৃথি॒বী বে᳚ত্ত্বধি॒ষব॑ণমসি বানস্প॒ত্য-ম্প্রতি॒ ত্বা-ঽদি॑ত্যা॒স্ত্বগ্বে᳚ত্ত্ব॒গ্নেস্ত॒নূর॑সি বা॒চো বি॒সর্জ॑ন-ন্দে॒ববী॑তযে ত্বা গৃহ্ণা॒ম্যদ্রি॑রসি বানস্প॒ত্য-স্স ই॒দ-ন্দে॒বেভ্যো॑ হ॒ব্যগ্ম্ সু॒শমি॑ শমি॒ষ্বেষ॒মা ব॒দোর্জ॒মা ব॑দ দ্যু॒মদ্ব॑দত ব॒যগ্ম্ স॑ঙ্ঘা॒ত-ঞ্জে᳚ষ্ম ব॒র্॒ষবৃ॑দ্ধমসি॒ প্রতি॑ ত্বা ব॒র্॒ষবৃ॑দ্ধং-বেঁত্তু॒ পরা॑পূত॒গ্ম্॒ রক্ষঃ॒ পরা॑পূতা॒ অরা॑তযো॒ রক্ষ॑সা-ম্ভা॒গো॑ ঽসি বা॒যুর্বো॒ বি বি॑নক্তু দে॒বো ব॑-স্সবি॒তা হির॑ণ্যপাণিঃ॒ প্রতি॑ গৃহ্ণাতু ॥ 8 ॥
( ত্বা॒ - ভা॒গ - একা॑দশ চ ) (অ. 5)
অব॑ধূত॒গ্ম্॒ রক্ষো-ঽব॑ধূতা॒ অরা॑ত॒যো-ঽদি॑ত্যা॒স্ত্বগ॑সি॒ প্রতি॑ ত্বা পৃথি॒বীবে᳚ত্তু দি॒ব-স্স্ক॑ম্ভ॒নির॑সি॒ প্রতি॒ ত্বা-ঽদি॑ত্যা॒স্ত্বগ্বে᳚ত্তু ধি॒ষণা॑-ঽসি পর্ব॒ত্যা প্রতি॑ ত্বা দি॒ব-স্স্ক॑ম্ভ॒নির্বে᳚ত্তু ধি॒ষণা॑-ঽসি পার্বতে॒যী প্রতি॑ ত্বা পর্ব॒তির্বে᳚ত্তু দে॒বস্য॑ ত্বা সবি॒তুঃ প্র॑স॒বে᳚-ঽশ্বিনো᳚-র্বা॒হুভ্যা᳚-ম্পূ॒ষ্ণোহস্তা᳚ভ্যা॒মধি॑ বপামিধা॒ন্য॑মসি ধিনু॒হি দে॒বা-ন্প্রা॒ণায॑ ত্বা ঽপা॒নায॑ ত্বা ব্যা॒নায॑ ত্বা দী॒র্ঘামনু॒ প্রসি॑তি॒মাযু॑ষেধা-ন্দে॒বো ব॑-স্সবি॒তা হির॑ণ্যপাণিঃ॒ প্রতি॑ গৃহ্ণাতু ॥ 9 ॥
(প্রা॒ণায॑ ত্বা॒ - পঞ্চ॑দশ চ) (অ. 6)
ধৃষ্টি॑রসি॒ ব্রহ্ম॑ য॒চ্ছাপা᳚গ্নে॒ ঽগ্নিমা॒মাদ॑-ঞ্জহি॒ নিষ্ক্র॒ব্যাদগ্ম্॑ সে॒ধা-ঽঽদে॑ব॒যজং॑-বঁহ॒ নির্দ॑গ্ধ॒গ্ম্॒ রক্ষো॒ নির্দ॑গ্ধা॒ অরা॑তযো ধ্রু॒বম॑সি পৃথি॒বী-ন্দৃ॒গ্ম্॒হা-ঽঽযু॑-র্দৃগ্ম্হ প্র॒জা-ন্দৃগ্ম্॑হ সজা॒তান॒স্মৈ যজ॑মানায॒ পর্যূ॑হ ধ॒র্ত্রম॑স্য॒ন্তরি॑ক্ষ-ন্দৃগ্ম্হ প্রা॒ণ-ন্দৃগ্ম্॑হাপা॒ন-ন্দৃগ্ম্॑হ সজা॒তান॒স্মৈ যজ॑মানায॒ পর্যূ॑হ ধ॒রুণ॑মসি॒ দিব॑-ন্দৃগ্ম্হ॒ চক্ষু॑- [চক্ষুঃ॑, দৃ॒গ্ম্॒হ॒ শ্রোত্র॑-ন্দৃগ্ম্হ] 10
র্দৃগ্ম্হ॒ শ্রোত্র॑-ন্দৃগ্ম্হ সজা॒তান॒স্মৈ যজ॑মানায॒ পর্যূ॑হ॒ ধর্মা॑সি॒ দিশো॑ দৃগ্ম্হ॒ যোনি॑-ন্দৃগ্ম্হ প্র॒জা-ন্দৃগ্ম্॑হ সজা॒তান॒স্মৈ যজ॑মানায॒ পর্যূ॑হ॒ চিত॑-স্স্থ প্র॒জাম॒স্মৈ র॒যিম॒স্মৈ স॑জা॒তান॒স্মৈ যজ॑মানায॒ পর্যূ॑হ॒ ভৃগূ॑ণা॒মঙ্গি॑রসা॒-ন্তপ॑সা তপ্যদ্ধ্বং॒-যাঁনি॑ ঘ॒র্মে ক॒পালা᳚ন্যুপচি॒ন্বন্তি॑ বে॒ধসঃ॑ । পূ॒ষ্ণস্তান্যপি॑ ব্র॒ত ই॑ন্দ্রবা॒যূ বি মু॑ঞ্চতাম্ ॥ 11 ॥
(চক্ষু॑ - র॒ষ্টাচ॑ত্বারিগ্ম্শচ্চ) (অ. 7)
সং-বঁ॑পামি॒ সমাপো॑ অ॒দ্ভির॑গ্মত॒ সমোষ॑ধযো॒ রসে॑ন॒ সগ্ম্ রে॒বতী॒-র্জগ॑তীভি॒-র্মধু॑মতী॒-র্মধু॑মতীভি-স্সৃজ্যদ্ধ্বম॒দ্ভ্যঃ পরি॒ প্রজা॑তা-স্স্থ॒ সম॒দ্ভিঃ পৃ॑চ্যদ্ধ্ব॒-ঞ্জন॑যত্যৈ ত্বা॒ সং-যৌঁ᳚ম্য॒গ্নযে᳚ ত্বা॒-ঽগ্নীষোমা᳚ভ্যা-ম্ম॒খস্য॒ শিরো॑-ঽসি ঘ॒র্মো॑-ঽসি বি॒শ্বাযু॑রু॒রু প্র॑থস্বো॒রু তে॑ য॒জ্ঞপ॑তিঃ প্রথতা॒-ন্ত্বচ॑-ঙ্গৃহ্ণীষ্বা॒ন্তরি॑ত॒গ্ম্॒ রক্ষো॒-ঽন্তরি॑তা॒ অরা॑তযোদে॒বস্ত্বা॑ সবি॒তা শ্র॑পযতু॒ বর্ষি॑ষ্ঠে॒ অধি॒ নাকে॒-ঽগ্নিস্তে॑ ত॒নুব॒-ম্মা-ঽতি॑ ধা॒গগ্নে॑ হ॒ব্যগ্ম্ র॑ক্ষস্ব॒ স-ম্ব্রহ্ম॑ণা পৃচ্যস্বৈক॒তায॒ স্বাহা᳚ দ্বি॒তায॒ স্বাহা᳚ ত্রি॒তায॒ স্বাহা᳚ ॥ 12 ॥
(স॒বি॒তা - দ্বাবিগ্ম্॑শতিশ্চ) (অ. 8)
আ দ॑দ॒ ইন্দ্র॑স্য বা॒হুর॑সি॒ দক্ষি॑ণ-স্স॒হস্র॑ভৃষ্টি-শ্শ॒ততে॑জা বা॒যুর॑সি তি॒গ্মতে॑জাঃ॒ পৃথি॑বি দেবযজ॒ - ন্যোষ॑দ্ধ্যাস্তে॒ মূল॒-ম্মা হিগ্ম্॑সিষ॒-মপ॑হতো॒-ঽররুঃ॑ পৃথি॒ব্যৈ ব্র॒জ-ঙ্গ॑চ্ছ গো॒স্থানং॒-বঁর্ষ॑তু তে॒ দ্যৌর্ব॑ধা॒ন দে॑ব সবিতঃ পর॒মস্যা᳚-ম্পরা॒বতি॑ শ॒তেন॒ পাশৈ॒র্যো᳚-ঽস্মা-ন্দ্বেষ্টি॒ য-ঞ্চ॑ ব॒য-ন্দ্বি॒ষ্মস্তমতো॒ মা মৌ॒গপ॑হতো॒-ঽররুঃ॑ পৃথি॒ব্যৈ দে॑ব॒যজ॑ন্যৈ ব্র॒জং- [ব্র॒জম্, গ॒চ্ছ॒ গো॒স্থানং॒-বঁর্ষ॑তু] 13
গ॑চ্ছ গো॒স্থানং॒-বঁর্ষ॑তু তে॒ দ্যৌর্ব॑ধা॒ন দে॑ব সবিতঃ পর॒মস্যা᳚-ম্পরা॒বতি॑ শ॒তেন॒ পাশৈ॒র্যো᳚-ঽস্মা-ন্দ্বেষ্টি॒ য-ঞ্চ॑ ব॒য-ন্দ্বি॒ষ্মস্তমতো॒ মা মৌ॒গপ॑হতো॒-ঽররুঃ॑ পৃথি॒ব্যা অদে॑বযজনো ব্র॒জ-ঙ্গ॑চ্ছ গো॒স্থানং॒-বঁর্ষ॑তু তে॒ দ্যৌর্ব॑ধা॒ন দে॑ব সবিতঃ পর॒মস্যা᳚-ম্পরা॒বতি॑ শ॒তেন॒ পাশৈ॒র্যো᳚-ঽস্মা-ন্দ্বেষ্টি॒ য-ঞ্চ॑ ব॒য-ন্দ্বি॒ষ্মস্তমতো॒ মা- [মা, মৌ॒গ॒ররু॑স্তে॒ দিব॒-ম্মা] 14
মৌ॑গ॒ররু॑স্তে॒ দিব॒-ম্মা স্কা॒ন্॒. বস॑বস্ত্বা॒ পরি॑ গৃহ্ণন্তু গায॒ত্রেণ॒ ছন্দ॑সারু॒দ্রাস্ত্বা॒ পরি॑ গৃহ্ণন্তু॒ ত্রৈষ্টু॑ভেন॒ ছন্দ॑সা-ঽঽদি॒ত্যাস্ত্বা॒ পরি॑ গৃহ্ণন্তু॒ জাগ॑তেন॒ ছন্দ॑সা দে॒বস্য॑ সবি॒তু-স্স॒বে কর্ম॑ কৃণ্বন্তি বে॒ধস॑ ঋ॒তম॑স্যৃত॒সদ॑ন-মস্যৃত॒শ্রীর॑সি॒ ধা অ॑সি স্ব॒ধা অ॑স্যু॒র্বী চাসি॒ বস্বী॑ চাসি পু॒রা ক্রূ॒রস্য॑ বি॒সৃপো॑ বিরফ্শি-ন্নুদা॒দায॑ পৃথি॒বী-ঞ্জী॒রদা॑নু॒র্যামৈর॑যন্ চ॒ন্দ্রম॑সি স্ব॒ধাভি॒স্তা-ন্ধীরা॑সো অনু॒দৃশ্য॑ যজন্তে ॥ 15 ॥
(দে॒ব॒যজ॑ন্যৈ ব্র॒জং - তমতো॒ মা - বি॑রফ্শি॒ন্ - নেকা॑দশ চ) (অ. 9)
প্রত্যু॑ষ্ট॒গ্ম্॒ রক্ষঃ॒ প্রত্যু॑ষ্টা॒ অরা॑তযো॒ ঽগ্নে-র্ব॒-স্তেজি॑ষ্ঠেন॒ তেজ॑সা॒ নি-ষ্ট॑পামি গো॒ষ্ঠ-ম্মা নির্মৃ॑ক্ষং-বাঁ॒জিন॑-ন্ত্বা সপত্নসা॒হগ্ম্ স-ম্মা᳚র্জ্মি॒ বাচ॑-ম্প্রা॒ণ-ঞ্চক্ষু॒-শ্শ্রোত্র॑-ম্প্র॒জাং-যোঁনি॒-ম্মা নির্মৃ॑ক্ষং-বাঁ॒জিনী᳚-ন্ত্বা সপত্নসা॒হীগ্ম্ স-ম্মা᳚র্জ্ম্যা॒শাসা॑না সৌমন॒স-ম্প্র॒জাগ্ম্ সৌভা᳚গ্য-ন্ত॒নূম্ । অ॒গ্নেরনু॑ব্রতা ভূ॒ত্বা স-ন্ন॑হ্যে সুকৃ॒তায॒ কম্ ॥ সু॒প্র॒জস॑স্ত্বা ব॒যগ্ম্ সু॒পত্নী॒রুপ॑- [সু॒পথ্নী॒রুপ॑, সে॒দি॒মি॒ ।] 16
সেদিম । অগ্নে॑ সপত্ন॒দম্ভ॑ন॒-মদ॑ব্ধাসো॒ অদা᳚ভ্যম্ ॥ ই॒মং-বিঁষ্যা॑মি॒ বরু॑ণস্য॒ পাশং॒ যঁ-মব॑দ্ধ্নীত সবি॒তা সু॒কেতঃ॑ । ধা॒তু-শ্চ॒ যোনৌ॑ সুকৃ॒তস্য॑ লো॒কে স্যো॒ন-ম্মে॑ স॒হ পত্যা॑ করোমি ॥ সমাযু॑ষা॒ সম্প্র॒জযা॒ সম॑গ্নে॒ বর্চ॑সা॒ পুনঃ॑ । স-ম্পত্নী॒ পত্যা॒-ঽহ-ঙ্গ॑চ্ছে॒ সমা॒ত্মা ত॒নুবা॒ মম॑ ॥ ম॒হী॒না-ম্পযো॒-ঽস্যোষ॑ধীনা॒গ্ম্॒ রস॒স্তস্য॒ তে-ঽক্ষী॑যমাণস্য॒ নি- [নিঃ, ব॒পা॒মি॒ ম॒হী॒নাং] 17
র্ব॑পামি মহী॒না-ম্পযো॒-ঽস্যোষ॑ধীনা॒গ্ম্॒ রসো-ঽদ॑ব্ধেন ত্বা॒ চক্ষু॒ষা-ঽবে᳚ক্ষে সুপ্রজা॒স্ত্বায॒ তেজো॑-ঽসি॒ তেজো-ঽনু॒ প্রেহ্য॒গ্নিস্তে॒ তেজো॒ মা বি নৈ॑দ॒গ্নে-র্জি॒হ্বা-ঽসি॑ সু॒ভূর্দে॒বানা॒-ন্ধাম্নে॑ধাম্নে দে॒বেভ্যো॒ যজু॑ষেযজুষে ভব শু॒ক্রম॑সি॒ জ্যোতি॑রসি॒ তেজো॑-ঽসি দে॒বো ব॑-স্সবি॒তো-ত্পু॑না॒ত্বচ্ছি॑দ্রেণ প॒বিত্রে॑ণ॒ বসো॒-স্সূর্য॑স্য র॒শ্মিভি॑-শ্শু॒ক্র-ন্ত্বা॑ শু॒ক্রাযা॒-ন্ধাম্নে॑ধাম্নে দে॒বেভ্যো॒ যজু॑ষেযজুষে গৃহ্ণামি॒ জ্যোতি॑স্ত্বা॒ জ্যোতি॑ষ্য॒র্চিস্ত্বা॒-ঽর্চিষি॒ ধাম্নে॑ধাম্নে দে॒বেভ্যো॒ যজু॑ষেযজুষে গৃহ্ণামি ॥ 18 ॥
(উপ॒ - নী - র॒শ্মিভি॑-শ্শু॒ক্রগ্ম্ - ষোড॑শ চ) (অ. 10)
কৃষ্ণো᳚-ঽস্যাখরে॒ষ্ঠো᳚-ঽগ্নযে᳚ ত্বা॒ স্বাহা॒ বেদি॑রসি ব॒র্॒হিষে᳚ ত্বা॒ স্বাহা ॑ব॒র্॒হির॑সি স্রু॒গ্ভ্যস্ত্বা॒ স্বাহা॑ দি॒বে ত্বা॒-ঽন্তরি॑ক্ষায ত্বা পৃথি॒ব্যৈ ত্বা᳚ স্ব॒ধা পি॒তৃভ্য॒ ঊর্গ্ভ॑ব বর্হি॒ষদ্ভ্য॑ ঊ॒র্জা পৃ॑থি॒বী-ঙ্গ॑চ্ছত॒ বিষ্ণো॒-স্স্তূপো॒-ঽস্যূর্ণা᳚ম্রদস-ন্ত্বা স্তৃণামি স্বাস॒স্থ-ন্দে॒বেভ্যো॑ গন্ধ॒র্বো॑-ঽসি বি॒শ্বাব॑সু॒-র্বিশ্ব॑স্মা॒দীষ॑তো॒ যজ॑মানস্য পরি॒ধিরি॒ড ঈ॑ডি॒ত ইন্দ্র॑স্য বা॒হুর॑সি॒- [বা॒হুর॑সি, দক্ষি॑ণো॒] 19
দক্ষি॑ণো॒ যজ॑মানস্য পরি॒ধিরি॒ড ঈ॑ডি॒তো মি॒ত্রাবরু॑ণৌ ত্বোত্তর॒তঃ পরি॑ ধত্তা-ন্ধ্রু॒বেণ॒ ধর্ম॑ণা॒ যজ॑মানস্য পরি॒ধিরি॒ড ঈ॑ডি॒ত-স্সূর্য॑স্ত্বা পু॒রস্তা᳚-ত্পাতু॒ কস্যা᳚শ্চিদ॒ভিশ॑স্ত্যা বী॒তিহো᳚ত্র-ন্ত্বা কবে দ্যু॒মন্ত॒গ্ম্॒ সমি॑ধীম॒হ্যগ্নে॑ বৃ॒হন্ত॑মদ্ধ্ব॒রে বি॒শো য॒ন্ত্রে স্থো॒ বসূ॑নাগ্ম্ রু॒দ্রাণা॑-মাদি॒ত্যানা॒গ্ম্॒ সদ॑সি সীদ জু॒হূরু॑প॒ভৃ-দ্ধ্রু॒বা-ঽসি॑ ঘৃ॒তাচী॒ নাম্না᳚ প্রি॒যেণ॒ নাম্না᳚ প্রি॒যে সদ॑সি সীদৈ॒তা অ॑সদন্-থ্সুকৃ॒তস্য॑ লো॒কে তা বি॑ষ্ণো পাহি পা॒হি য॒জ্ঞ-ম্পা॒হি য॒জ্ঞপ॑তি-ম্পা॒হি মাং-যঁ॑জ্ঞ॒নিয᳚ম্ ॥ 20 ॥
(বা॒হুর॑সি - প্রি॒যে সদ॑সি॒ - পঞ্চ॑দশ চ) (অ. 11)
ভুব॑নমসি॒ বি প্র॑থ॒স্বাগ্নে॒ যষ্ট॑রি॒দ-ন্নমঃ॑ । জুহ্বেহ্য॒গ্নিস্ত্বা᳚ হ্বযতি দেবয॒জ্যাযা॒ উপ॑ভৃ॒দেহি॑ দে॒বস্ত্বা॑ সবি॒তা হ্ব॑যতি দেবয॒জ্যাযা॒ অগ্না॑বিষ্ণূ॒ মা বা॒মব॑ ক্রমিষং॒-বিঁ জি॑হাথা॒-ম্মা মা॒ স-ন্তা᳚প্তং-লোঁ॒ক-ম্মে॑ লোককৃতৌ কৃণুতং॒-বিঁষ্ণো॒-স্স্থান॑মসী॒ত ইন্দ্রো॑ অকৃণো-দ্বী॒র্যা॑ণি সমা॒রভ্যো॒র্ধ্বো অ॑দ্ধ্ব॒রো দি॑বি॒স্পৃশ॒মহ্রু॑তো য॒জ্ঞো য॒জ্ঞপ॑তে॒-রিন্দ্রা॑বা॒ন্-থ্স্বাহা॑ বৃ॒হদ্ভাঃ পা॒হি মা᳚-ঽগ্নে॒ দুশ্চ॑রিতা॒দা মা॒ সুচ॑রিতে ভজ ম॒খস্য॒ শিরো॑-ঽসি॒ সঞ্জ্যোতি॑ষা॒ জ্যোতি॑রঙ্ক্তাম্ ॥ 21 ॥
(অহ্রু॑ত॒ - এক॑বিগ্ম্শতিশ্চ) (অ. 12)
বাজ॑স্য মা প্রস॒বেনো᳚দ্গ্রা॒ভেণোদ॑গ্রভীত্ । অথা॑ স॒পত্না॒গ্ম্॒ ইন্দ্রো॑ মে নিগ্রা॒ভেণাধ॑রাগ্ম্ অকঃ ॥ উ॒দ্গ্রা॒ভ-ঞ্চ॑ নিগ্রা॒ভ-ঞ্চ॒ ব্রহ্ম॑ দে॒বা অ॑বীবৃধন্ন্ । অথা॑ স॒পত্না॑নিন্দ্রা॒গ্নী মে॑ বিষূ॒চীনা॒ন্ ব্য॑স্যতাম্ ॥ বসু॑ভ্যস্ত্বা রু॒দ্রেভ্য॑স্ত্বা-ঽঽদি॒ত্যেভ্য॑স্ত্বা॒-ঽক্তগ্ম্ রিহা॑ণা বি॒যন্তু॒ বযঃ॑ ॥ প্র॒জাং-যোঁনি॒-ম্মা নির্মৃ॑ক্ষ॒মা প্যা॑যন্তা॒মাপ॒ ওষ॑ধযো ম॒রুতা॒-ম্পৃষ॑তয-স্স্থ॒ দিবং॑- [দিব᳚ম্, গ॒চ্ছ॒ ততো॑ নো॒] 22
গচ্ছ॒ ততো॑ নো॒ বৃষ্টি॒মের॑য । আ॒যু॒ষ্পা অ॑গ্নে॒-ঽস্যাযু॑র্মে পাহি চক্ষু॒ষ্পা অ॑গ্নে-ঽসি॒ চক্ষু॑র্মে পাহি ধ্রু॒বা-ঽসি॒ য-ম্প॑রি॒ধি-ম্প॒র্যধ॑ত্থা॒ অগ্নে॑ দেব প॒ণিভি॑-র্বী॒যমা॑ণঃ । ত-ন্ত॑ এ॒তমনু॒ জোষ॑-ম্ভরামি॒ নেদে॒ষ ত্বদ॑পচে॒তযা॑তৈ য॒জ্ঞস্য॒ পাথ॒ উপ॒ সমি॑তগ্ম্ সগ্গ্স্রা॒বভা॑গা-স্স্থে॒ষা বৃ॒হন্তঃ॑ প্রস্তরে॒ষ্ঠা ব॑র্হি॒ষদ॑শ্চ [ ] 23
দে॒বা ই॒মাং-বাঁচ॑ম॒ভি বিশ্বে॑ গৃ॒ণন্ত॑ আ॒সদ্যা॒স্মি-ন্ব॒র্॒হিষি॑ মাদযদ্ধ্বম॒গ্নে-র্বা॒মপ॑ন্নগৃহস্য॒ সদ॑সি সাদযামি সু॒ম্নায॑ সুম্নিনী সু॒ম্নে মা॑ ধত্ত-ন্ধু॒রি ধ॒র্যৌ॑ পাত॒মগ্নে॑ ঽদব্ধাযো ঽশীততনো পা॒হি মা॒-ঽদ্য দি॒বঃ পা॒হি প্রসি॑ত্যৈ পা॒হি দুরি॑ষ্ট্যৈ পা॒হি দু॑রদ্ম॒ন্যৈ পা॒হি দুশ্চ॑রিতা॒দবি॑ষ-ন্নঃ পি॒তু-ঙ্কৃ॑ণু সু॒ষদা॒ যোনি॒গ্গ্॒ স্বাহা॒ দেবা॑ গাতুবিদো গা॒তুংবিঁ॒ত্ত্বা গা॒তু মি॑ত॒ মন॑সস্পত ই॒ম-ন্নো॑ দেব দে॒বেষু॑ য॒জ্ঞগ্গ্ স্বাহা॑ বা॒চি স্বাহা॒ বাতে॑ ধাঃ ॥ 24 ॥
(দিবং॑ - চ - বি॒ত্ত্বা গা॒তুং - ত্রযো॑দশ চ) (অ. 13)
উ॒ভা বা॑মিন্দ্রাগ্নী আহু॒বদ্ধ্যা॑ উ॒ভা রাধ॑স-স্স॒হ মা॑দ॒যদ্ধ্যৈ᳚ । উ॒ভা দা॒তারা॑বি॒ষাগ্ম্ র॑যী॒ণামু॒ভা বাজ॑স্য সা॒তযে॑ হুবে বাম্ ॥ অশ্র॑ব॒গ্ম্॒ হি ভূ॑রি॒দাব॑ত্তরা বাং॒-বিঁজা॑মাতুরু॒ত বা॑ ঘা স্যা॒লাত্ । অথা॒ সোম॑স্য॒ প্রয॑তী যু॒বভ্যা॒মিন্দ্রা᳚গ্নী॒ স্তোম॑-ঞ্জনযামি॒ নব্য᳚ম্ ॥ ইন্দ্রা᳚গ্নী নব॒তি-ম্পুরো॑ দা॒সপ॑ত্নীরধূনুতম্ । সা॒কমেকে॑ন॒ কর্ম॑ণা ॥ শুচি॒-ন্নু স্তোম॒-ন্নব॑জাত-ম॒দ্যেন্দ্রা᳚গ্নী বৃত্রহণা জু॒ষেথা᳚ম্ ॥ 25 ॥
উ॒ভা হি বাগ্ম্॑ সু॒হবা॒ জোহ॑বীমি॒ তা বাজগ্ম্॑ স॒দ্য উ॑শ॒তে ধেষ্ঠা᳚ ॥ ব॒যমু॑ ত্বা পথস্পতে॒ রথ॒-ন্ন বাজ॑সাতযে । ধি॒যে পূ॑ষন্নযুজ্মহি ॥ প॒থস্প॑থঃ॒ পরি॑পতিং-বঁচ॒স্যা কামে॑ন কৃ॒তো অ॒ভ্যা॑নড॒র্কম্ । সনো॑ রাসচ্ছু॒রুধ॑শ্চ॒ন্দ্রাগ্রা॒ ধিয॑ন্ধিযগ্ম্ সীষধাতি॒ প্র পূ॒ষা ॥ ক্ষেত্র॑স্য॒ পতি॑না ব॒যগ্ম্ হি॒তেনে॑ব জযামসি । গামশ্ব॑-ম্পোষযি॒ত্ন্বা স নো॑ [স নঃ॑, মৃ॒ডা॒তী॒দৃশে᳚ ।] 26
মৃডাতী॒দৃশে᳚ ॥ ক্ষেত্র॑স্য পতে॒ মধু॑মন্ত-মূ॒র্মি-ন্ধে॒নুরি॑ব॒ পযো॑ অ॒স্মাসু॑ ধুক্ষ্ব । ম॒ধু॒শ্চুত॑-ঙ্ঘৃ॒তমি॑ব॒ সুপূ॑ত-মৃ॒তস্য॑ নঃ॒ পত॑যো মৃডযন্তু ॥ অগ্নে॒ নয॑ সু॒পথা॑ রা॒যে অ॒স্মান্. বিশ্বা॑নি দেব ব॒যুনা॑নি বি॒দ্বান্ । যু॒যো॒দ্ধ্য॑স্ম-জ্জু॑হুরা॒ণমেনো॒ ভূযি॑ষ্ঠা-ন্তে॒ নম॑উক্তিং-বিঁধেম ॥ আ দে॒বানা॒মপি॒ পন্থা॑-মগন্ম॒ যচ্ছ॒ক্নবা॑ম॒ তদনু॒ প্রবো॑ঢুম্ । অ॒গ্নি-র্বি॒দ্বান্-থ্স য॑জা॒- [স য॑জাত্, সেদু॒ হোতা॒ সো] 27
থ্সেদু॒ হোতা॒ সো অ॑দ্ধ্ব॒রান্-থ্স ঋ॒তূন্ ক॑ল্পযাতি ॥ যদ্বাহি॑ষ্ঠ॒-ন্তদ॒গ্নযে॑ বৃ॒হদ॑র্চ বিভাবসো । মহি॑ষীব॒ ত্বদ্র॒যিস্ত্বদ্বাজা॒ উদী॑রতে ॥ অগ্নে॒ ত্ব-ম্পা॑রযা॒ নব্যো॑ অ॒স্মান্-থ্স্ব॒স্তিভি॒রতি॑ দু॒র্গাণি॒ বিশ্বা᳚ । পূশ্চ॑ পৃ॒থ্বী ব॑হু॒লা ন॑ উ॒র্বী ভবা॑ তো॒কায॒ তন॑যায॒ শং-যোঃ ঁ॥ ত্বম॑গ্নে ব্রত॒পা অ॑সি দে॒ব আ মর্ত্যে॒ষ্বা । ত্বং-যঁ॒জ্ঞেষ্বীড্যঃ॑ ॥ যদ্বো॑ ব॒য-ম্প্র॑মি॒নাম॑ ব্র॒তানি॑ বি॒দুষা᳚-ন্দেবা॒ অবি॑দুষ্টরাসঃ । অ॒গ্নিষ্ট-দ্বিশ্ব॒মা পৃ॑ণাতি বি॒দ্বান্. যেভি॑-র্দে॒বাগ্ম্ ঋ॒তুভিঃ॑ ক॒ল্পযা॑তি ॥ 28 ॥
(জু॒ষেথা॒মা - স নো॑ - যজা॒ - দা - ত্রযো॑বিগ্ম্শতিশ্চ) (অ. 14)
(ই॒ষে ত্বা॑ - য॒জ্ঞস্য॒ - শুন্ধ॑ধ্বং॒ - কর্ম॑ণে বাং - দে॒বো-ঽব॑ধূতং॒ - ধুষ্টিঃ॒ - সং-বঁ॑পা॒- ম্যা দ॑দে॒ - প্রত্যু॑ষ্টং॒ - কৃষ্ণো॑-ঽসি॒ - ভুব॑নমসি॒ - বাজ॑স্যো॒ভা বাং॒ - চতু॑র্দশ )
(ই॒ষে - দৃগ্ম্॑হ॒ - ভুব॑ন - ম॒ষ্টাবিগ্ম্॑শতিঃ )
(ই॒ষে ত্বা॑, ক॒ল্পযা॑তি)
॥ হরিঃ॑ ওম্ ॥
॥ কৃষ্ণ যজুর্বেদীয তৈত্তিরীয সংহিতাযা-ম্প্রথমকাণ্ডে প্রথমঃ প্রশ্ন-স্সমাপ্তঃ ॥
